大提琴演奏家 Bernard Chan 剛推出新歌〈不追不趕〉，做樂壇新人，他向《Music Ten》分享創作習慣。他通常凌晨一兩點開始錄音、做 production 工作，幸好鄰居沒有投訴，「自己嗰腦夜晚先開始運作。」

他直言，自己不是很有 discipline 的創作人，「你見到我拖咗自己嘅 project 咁耐」，但假設有工作設定了 deadline，他可以很快完成，「因為我係越近 deadline 就會越逼自己的潛力。」

「我 prefer 出去行街，可能郁下個人，多啲安多酚，會刺激到嗰腦，我通常諗到少少嗰 line，就會喺 iPhone AudioRecord 錄咗佢，可能兩句，然後寫低咩 key 咩速度，返屋企再諗。」

如果要開始 develop melody，他要安坐家中，在房裏對住部琴。就如創作〈不追不趕〉demo，他彈鋼琴，一邊喝着咖啡一邊寫歌。

他以前試過寫歌寫到好暴躁，越寫越炆，但飲完咖啡就好好多，「我基本上已經去到每日飲兩三杯的狀態，飲完咖啡嗰人舒服好多，平心啲，冷靜落嚟，反而好啲，寫嘅嘢會合理啲。」

問他諗唔到點寫會點？他會直接儲存檔案，求其改名，之後放入電腦一堆叫 demo 的檔案裏，通常唔會用得返，因為 idea 好散。

「其實古典音樂少啲編曲上嘅嘢，因為 classical 通常都係以前嘅作曲家，我哋只不過要練好嗰啲作曲家嘅嘢，練習嘅模式就真係好雕琢，你當係好細緻，可能每一粒音，大細聲要幾多，情感上嘅嘢。反而流行曲比較隨心啲，可能你哼住幾句都可以，（創作上）會唔同啲。」

【Music Ten】 ■ Text & Interview by Music Ten ■ 相片由受訪者提供 ■ Week 14 人物專訪：陳駿軒 更多音樂專訪 Follow IG  https://www.instagram.com/musictenhk